Gå direkte til innhold Gå direkte til hovedmeny

Tips for reingjering av målarkosten

Foto: iStockPhoto

Foto: iStockPhoto

 
Bruk white-spiriten om igjen: Det er både enkelt, billig og miljøvennleg.

Mange bruker white-spirit når dei for eksempel skal reingjere målarkostar og anna målarutstyr. Etterpå kan det vere freistande å bli kvitt den brukte væska på ein enkel – og lite miljøvennleg – måte, for eksempel ved å tømme den ut i vasken, toalettet eller på bakken.

White-spirit skal i utgangspunktet leverast inn som farleg avfall. Men visste du at du kan bruke den på nytt?

 

Dette gjer du: 

  1. Tøm brukt white-spirit i ein tom dunk kvar gong du har brukt ein skvett. Merk kanna godt med at den inneheld brukt white-spirit, og oppbevar den utanfor rekkjevidda til barn.
  2. Når dunken etter kvart blir fylt opp og får stått ei stund, er målingrestane søkkte til botnen.
  3. Tøm den klare væska på toppen forsiktig over på ei ny (godt merkt) kanne som også blir oppbevart slik at barn ikkje kan få tak i den, og begynn på nytt.

Den resirkulerte white-spiriten er så god som ny og har berre eit lite fargeskjær som kan vitne om tidlegare tiders bruk.

Andre tips:

  • Bruk vassbasert måling om du kan. Då kan du reingjere utstyret med vatn i staden. Det finst mange svanemerkte typar på marknaden.
  • Tørk penselen godt på ein planke eller med tørkepapir (gjeld både vass- og oljebasert måling). For vassbasert måling: Hell litt grønsåpe på kosten, gni den godt inn i busta og skyl i vatn. Gjenta dette til kosten er rein.
  • Dersom du skal ta ein pause i målinga, for eksempel til neste dag, kan du anten pakke kosten inn i plast eller berre setje den i vatn (gjeld både vass- og oljebasert måling).

Les meir:

Sist oppdatert 26.09.2013

Kommenter gjerne denne artikkelen
 
(e-post vil ikke vises i kommentaren)    
 

Kontrollspørsmål

Hvor mange fingre har et menneske?

For å unngå maskinstyrt misbruk, ber vi deg oppgi et tall (ikke bokstaver) som svar på spørsmålet.    

Kommentarer

  • 08.01.2015 (Johan Randahl)

    En god måte å oppbevare penslene på er å sette dem i en boks som du fyller med matolje. Rapsolje er billigst, men andre oljer kan også brukes. Da er penselen mjuk og fin når du tar den igjen neste gang. Effektivt, miljøvennlig og billig.